ನಾನು ಪ್ರೀತಿಸಿದರೆ..........

ನಾನು ಪ್ರೀತಿಸಿದರೆ...........
ನಾನೇ ಕಾಲದ ಚಕ್ರಾಧಿಪತಿಯಾಗುವೆ
ಇಡೀ ಭೂಮಂಡಲವೆಲ್ಲ ನನ್ನ ವಶವಾಗುತ್ತದೆ
ಆಗ ಹೆಮ್ಮೆಯಿಂದ ಬೀಗುತ್ತಾ ಕುದರೆಯ ಮೇಲೆ
ಸೂರ್ಯನೆಡೆಗೆ ಸವಾರಿ ಹೊರುಡುತ್ತೇನೆ.

ನಾನು ಪ್ರೀತಿಸಿದರೆ...........
ಉದಯಗಳ ಊರೇ ನಾನಾಗಿ
ಜಗಕೆಲ್ಲ ಬೆಳಕನ್ನಿಡುವೆ
ನನ್ನ ಕಿರು ಹೊತ್ತಿಗೆಯಲ್ಲಿ
ಕವನಗಳಾಗಿ ಹಾಡುತ್ತಾ
ಉನ್ಮಾದದ ಹೂದೋಟವಾಗುತ್ತೇನೆ.

ನಾನು ಪ್ರೀತಿಸಿದರೆ........
ಮಳೆ ಧೋ ಧೋ ಎಂದು ಸುರಿದು
ನೀರು ಭೋರ್ಗರೆದು ಹರಿಯುತ್ತದೆ
ಹುಲ್ಲು ಹುಲುಸಾಗಿ ಬೆಳೆಯುತ್ತದೆ.

ನಾನು ಪ್ರೀತಿಸಿದರೆ..........
ಗಿಡ ಮರಗಳೆದ್ದು ನನ್ನೆಡೆಗೆ ಬರುತ್ತವೆ
ನಾನು ಕಾಲದಾಚೆಯ
ಕಾಲವಾಗಿ ಕುಣಿಯುತ್ತೇನೆ.

ಅರೇಬಿ ಮೂಲ: ನಿಜಾರ್ ಖಬ್ಬಾನಿ
ಕನ್ನಡಕ್ಕೆ: ಉದಯ ಇಟಗಿ