ಹೋಗು, ಬಾಗಿಲನ್ನು ತೆರೆಹೊರಗೆ ಕಾಣಬಹುದು
ಮರ ಅಥವಾ ಕಾಡನ್ನು,
ಹೂದೋಟ ಅಥವಾ ಮಾಯಾನಗರಿಯನ್ನು.
ಹೋಗು, ಬಾಗಿಲನ್ನು ತೆರೆ
ಅಲ್ಲಿ ನೋಡಬಹುದು
ನಾಯಿ ಏನನ್ನೋ ಹುಡುಕುತ್ತಿರುವದನ್ನು,
ಯಾರದೋ ಒಂದು ಸುಂದರ ಮುಖವನ್ನು,
ಅಥವಾ ಒಂದು ಕುಡಿ ನೋಟವನ್ನು.
ಹೋಗು, ಬಾಗಿಲನ್ನು ತೆರೆ
ಅಲ್ಲಿ ಕಾಣಬಹುದು
ಹೊಳೆಯುವ ನಕ್ಷತ್ರಗಳನ್ನು,
ಮಂಜು ಕರಗಿ ನೀರಾಗುವದನ್ನು,
ಅಥವಾ ಕೇಳಬಹುದು ಗಾಳಿ ಸುಂಯ್ಯಗುಡುವದನ್ನು.
ಏನೂ ಇರದಿದ್ದರೂ ಪರವಾಗಿಲ್ಲ
ಒಮ್ಮೆ ಸುಮ್ಮನೆ ಹೋಗಿ
ಬಾಗಿಲನ್ನು ತೆರೆ
ಕೊನೆಗೆ ಆಸ್ವಾದಿಸಬಹುದು
ತಣ್ಣಗೆ ಬೀಸುವ ತಂಗಾಳಿಯನ್ನಾದರೂ!
ಇಂಗ್ಲೀಷ ಮೂಲ: ಮಿರೊಸ್ಲಾವ ಹೋಲಬ್
ಕನ್ನಡ ರೂಪಾಂತರ: ಉದಯ ಇಟಗಿ
2 ಕಾಮೆಂಟ್‌(ಗಳು):
ಕವನ ಸುಂದರವಾಗಿದೆ, ಆಹ್ಲಾದಕರವಾಗಿದೆ.
Thanks sir, you are the one who will always go through my blog and express your opinion.Thank you so much.
ಕಾಮೆಂಟ್‌ ಪೋಸ್ಟ್ ಮಾಡಿ